بنگلور میں حکومت کے خلاف ستیہ گرہ

بنگللور شہر کے گاندھی اسٹیچیو موریہ سرکل پر دنڈی مارچ یا نمک ستیہ گرہ کی سالگرہ منائی گئی۔ 1930 میں گاندھی جی نے برطانویوں کے خلاف دوران جنگ آزادی اسی دن نمک ستیہ گرہ کیا تھا۔

اسی کی یاد کو تازہ کرنے اور موجودہ بی جے پی حکومت کی زیادتیوں کے خلاف یہ احتجاجی اجلاس کا انعقاد کیا گیا تھا۔ صبح 9 بجے شروع ہوئے اس احتجاجی اجلاس میں شہر کی کئی معروف شخصیات نے شرکت کی اور شام 6 بجے سبھی نے پانی پیکر اس ایک روزہ ستیہ گرہ کا اختتام کیا۔

اسی دن احتجاجیوں نے ایک وفد کی شکل میں وزیر اعلیٰ کو ایک یادداشت پیش کی اس گزارش کے ساتھ کہ ریاست میں این پی آر کا نفاذ نہ کرے۔

اس موقع پر مولانا یوسف نے بتایا کہ آج کا یہ ستیہ گرہ ریاست کے تقریباً 150 اسمبلی حلقوں میں منعقد کیا گیا ہے اور متعلقہ ڈپٹی کمشنر اور تحصیلداروں کو یاد داشت پیش کی گئی ہے۔

یہ احتجاجی اجلاس ، ہم بھارت کے لوگ اور کرناٹک جوائنٹ ایکشن کمیٹی کی جانب سے مشترکہ طور پر منعقد کیا گیا تھا۔