2019 عام انتخابات ملک کا آخری الیکشن: بی جے پی رہنما

متنازعہ بیانات کی وجہ سے سرخیوں میں رہنے والے بی جے پی کے رہنما ساکشی مہاراج نے کہا کہ اس الیکشن کے بعد 2024 میں کوئی الیکشن نہیں ہوگا۔

بی جے پی کے رہنما ساکشی مہاراج نے اپنے پارلیمانی حلقے اناؤ میں ایک پروگرام کے دوران کہا کہ 2019 کا لوک سبھا انتخابات ملک کا آخری الیکشن ہے۔

انہوں نے مزید کہا کہ 2024 میں کوئی الیکشن نہیں ہوگا، 2019 کا الیکشن ملک کے نام پر لڑا جا رہا ہے۔

انہوں نے اناؤ میں بی جے پی کے کارکنان کو خطاب کرتے ہوئے کہا کہ 2014 میں مودی کی لہر تھی، لیکن اس بار مودی کی سونامی ہے۔ ہمیں تمام سیٹیوں پر فتح حاصل کرنی ہے۔

انہوں نے کہا کہ مودی پورے ملک کے رہنما ہیں، ملک بھر میں ان کی شہرت ہے۔ مودی ہے تو ملک ہے۔ اس کے بعد 2024 میں کوئی الیکشن نہیں ہوگا۔