رکن پارلیمان ہنومان بینیوال نے زرعی قوانین واپس نہ لینے پر این ڈی اے چھوڑنے کی دھمکی بھی دی ہے۔
مرکز میں برسرِ اقتدار قومی جمہوری اتحاد(این ڈی اے) کی معاون راشٹریہ لوک تانترِک پارٹی نے مرکزی حکومت سے حال ہی میں منظور کیے گئے زرعی قوانین کو واپس لینے کی مانگ کی ہے۔
پارٹی نے کہا ہے کہ اگر اس معاملے میں فوری کارروائی نہیں کی گئی تو وہ این ڈی اے کے ساتھ رہنے پر دوبارہ غور کرے گی۔
آر ایل پی کے کنوینر اور راجستھان کے ناگور لوک سبھا علاقہ سے رکن پارلیمان نے پیر کو اس بارے میں مرکزی وزیر داخلہ امت شاہ کو خطاب کرکے ٹویٹ کیا اس میں انہوں نے لکھا ہے 'امت شاہ جی ملک میں چل رہے کسان تحریک کو دیکھتے ہوئے حال ہی میں زراعت سے متعلق لائے گئے تین قوانین کو فوری واپس لیا جائے اور سوامی ناتھ کمیشن کی سفارشات کو لاگو کریں اور کسانوں کو دہلی میں فوراً بات کے لیے ان کے مطابق مناسب مقام دیا جائے۔