آلو اور پیاز کی خوردہ قیمتیں مستحکم ہوئیں: گوئل

مرکزی وزیر برائے خوراک اور امور صارفین پیوش گوئل نے آج کہا کہ آلو اور پیاز کی قیمتیں مستحکم ہوگئی ہیں اور ان کی کمی کو پورا کرنے کے لیے درآمدات کا آغاز کردیا گیا ہے۔

پیوش گوئل نے جمعہ کو پریس کانفرنس میں کہا کہ پیاز کی خوردہ قیمت قابو میں آگئی ہے اور یہ 65 روپے فی کلو گرام پر مستحکم ہوگئی ہے۔وزیرموصوف نے کہا کہ پیاز کی درآمدات کا عمل شروع کردیا گیا ہے اور دیوالی تک 25000 ٹن پیاز درآمد کرلی جائے گی۔

انہوں نے کہا کہ پیاز کی نئی فصل آرہی ہے اس کے ساتھ ہی پیاز کی ذخیرہ اندوزی کی حد متعین کردی گئی ہے۔یہ حد 23 اکتوبرسے نافذکی گئی۔خوردہ کاروباریوں کے لیے یہ حد دوٹن اور تھوک کاروباریوں کے لیے 25 ٹن کی ہے۔

مسٹر گوئل نے کہا کہ پیاز کے بیجوں کی برآمد پر بھی روک لگادی گئی ہے ساتھ ہی پیاز کے بفر اسٹاک سے 36000 ٹن پیاز ریاستوں کو دستیاب کرائی گئی ہے۔
انہوں نے کہا کہ آلو کی قیمت مستحکم ہوگئی ہے اور خوردہ میں یہ 42 روپے فی کلو ہوگیا ہے۔دس لاکھ ٹن آلو درآمد کیا جارہا ہے۔بھوٹال سے 30 ہزار ٹن آلو آنے والا ہے۔