'سپریم کورٹ کے فیصلہ کو تسلیم کریں'

طویل مدت سے جاری ایودھیا تنازع کا آج سپریم کورٹ نے فیصلہ سناتے ہوئے متنازع زمین کو رام جنم بھومی نیاس کے حوالہ کرنے کا حکم دیا ہے جس پر لکھنو کے قاضی شہر  مولانا عبدالعرفان نے اپنے خیالات کا اظہار کیا-

ستر برسوں سے زیر التوا بابری مسجد - رام جنم بھومی اراضی تنازع پر پانچ ججز پر مشتمل بنچ نے اپنا فیصلہ سنا دیا ہے۔

ایودھیا کی متنازع زمین بابری مسجد رام جنم بھومی پر عدالت عظمیٰ کی جانب سے جسٹس رنجن گوگوئی کی قیادت میں پنج رکنی بینچ نے 9 نومبر 2019 کو فیصلہ دیا۔

اس فیصلے میں کہا گیا کھدائی میں ملا ڈھانچہ غیر اسلامی تھا تاہم یہ بھی حقیقت ہےکہ مندر توڑ کر مسجد نہیں بنائی گئی تھی۔

اس فیصلے میں یہ کہا گیا ہے کہ متنازعہ زمین پر مندر کی تعمیر کی جائے گی اور مسلمانوں کے لیے علاحدہ 5 ایکڑ زمین دی جائےگی، جس پر وہ مسجد بنا سکتے ہیں۔