گھریلو دفاعی صنعت کمپنیوں کوراحت

عالمی وبا کورونا وائرس کے سبب دفاعی سیکٹر کی گھریلو کمپنیوں کی سپلائی میں خلل واقع ہونے کی صورت میں وزیردفاع کی جانب سے چارماہ کی چھوٹ دی گئی ہے۔

وزارت دفاع نے کورونا وبا کی وجہ سے سپلائی چین میں خلل ہونے کے پیش نظر تمام بھارتی کمپنیوں کے لئے مصنوعات کی فراہمی کی ڈیڈ لائن چار ماہ بڑھا دی ہے۔

وزیر دفاع راجناتھ سنگھ کی منظوری کے بعد وزارت نے آج اس بارے میں ایک حکم جاری کیا۔ حکم میں کہا گیا ہے کہ مختلف معاہدوں کے تحت مصنوعات کی فراہمی کی ڈیڈ لائن 25 مارچ سے بڑھاکر 24 جولائی کی گئی ہے۔

آرڈر میں یہ بھی کہا گیا ہے کہ مصنوعات کی فراہمی میں ہونے والی تاخیر کے معاملات میں کل وقت میں سے یہ چار ماہ کی مدت کم کر دی جائے گی اور بچی ہوئی مدت کے لئے کمپنی سے جرمانہ لیا جا سکتا ہے۔

اس قدم سے گھریلو دفاعی صنعت کو کافی راحت ملے گی کیونکہ کورونا وبا کی وجہ سے بہت سی کمپنیوں میں کام متاثر ہوا تھا۔ حکم میں کہا گیا ہے کہ اس فیصلے کو لاگو کرنے کے لئے معاہدہ میں الگ سے اہتمام یا التزام کرنے کی ضرورت نہیں ہے۔

غیر ملکی کمپنیوں کو اس طرح کے معاملات میں وزارت دفاع سے رابطہ کرنا ہوگا اور اس ملک میں کورونا کی پوزیشن کی بنیاد پر ہی فیصلہ کیا جائے گا۔