رضا اکیڈمی کی اجیت ڈووال سے اپیل

دارالحکومت دہلی میں ہونے والے فرقہ وارانہ تشدد کے بعد عوام میں سراسیمگی کا ماحول ہے اس دوران ریاست مہاراشٹر کے دارالحکومت ممبئی کی رضا اکیڈمی نے قومی سلامتی مشیر اجیت ڈووال سے اہیل کی ہے کہ اجمیر شریف کے سالانہ عرس میں شرکت کرنے والوں کی حفاظت کو یقینی بنایا جائے۔

معروف تنظیم ’رضا اکیڈمی‘ کے جنرل سکریٹری سعید نوری نے قومی سلامتی مشیر اجیت ڈووال کے نام ایک مکتوب روانہ کیا ہے۔

رضا اکیڈمی کی قومی سلامتی مشیر اجیت ڈوبال سے اپیل

یہ مکتوب ان زائرین کی حفاظت کے تعلق سے ہے جو خواجہ غریب نوازؒ کے 808 ویں عرس میں شرکت کے لیے دہلی سے اجمیر شریف جانے والے ہیں۔

یہ عرس یکم اور دو مارچ 2020 کو نہایت عقیدت و احترام کے ساتھ منایا جائے گا۔

واضح رہے کہ اجمیر شریف کے عرس میں شرکت کے لیے پورے ملک سے زائرین جاتے ہیں، ںیز وزیراعظم نریندر مودی کی جانب سے بھی خواجہ غریب نوازؒ کی درگاہ کے لیے چادر پیش کی گئی ہے۔

سعید نوری نے اپنے مکتوب میں کہا ہے کہ 'اجیت ڈووال دہلی میں امن و امان کے لیے اپنا فرض ادا کر رہے ہیں تاہم ان سے درخواست ہے کہ وہ اجمیر زائرین کی حفاظت کو یقینی بنائیں۔