چینی ویب سائٹ کے ذریعہ جاسوسی، کانگریس نے حکومت سے جواب مانگا

کانگریس پارٹی نے چینی ویب سائٹ کے ذریعہ صدر اور وزیراعظم سمیت ملک کے کئی سینئر رہنماؤں، ججز اور دیگر اہم ہستیوں کی جاسوسی سے متعلق رپورٹز کی مذمت کرتے ہوئے حکومت سے اس معاملے پر جواب مانگا ہے۔

کانگریس کے میڈیا محکمے کے سربراہ رندیپ سنگھ سرجے والا نے ایک اہم انگریزی اخبار میں شائع خبر کو شیئر کرتے ہوئے ٹویٹ کیا کہ چین کے ذریعہ بھارتی رہنماؤں اور دیگر افراد کی ڈیجیٹل جاسوسی کی خبر تشویش ناک ہے، ہم واضح طور پر اس کی مذمت کرتے ہیں۔

رندیپ سنگھ سرجے والا

انہوں نے لکھا کہ کیا چین نے دو سال پہلے بنی اس کمپنی کا استعمال حکومت کی پالیسیوں کو متاثر کرنے کے ئے بھی کیا ہے؟کیا حکومت اس معاملے کی جانچ کرے گی اور اس معاملے میں ملک کو یقین دلائے گی؟

انگریزی روزنامے کی رپورٹ میں کہا گیا ہے کہ چین کی اس ڈاٹا کمپنی نے صدر جمہوریہ، وزیراعظم، اپوزیشن کے اہم رہنماوں،کابینی وزرا، ریاستوں کے وزرائے اعلی، چیف جسٹس اور کئی دیگر ہستیوں کی جاسوسی کی ہے۔

رندیپ سنگھ سرجے والا

اخبار میں یہ بھی کہا گیا ہے کہ اس کمپنی کا تعلق چین کی حکومت سے ہے۔