رمضان المبارک کا چاند نظر آگیا، پہلا روزہ آج

ماہ مقدس رمضان المبارک کا چاند نظر آگیا، دیر شام دارالعلوم دیوبند نے چاند کی تصدیق گھنٹی بجا کر دی۔

ملک بھر میں ماہ رمضان کا چاند دیکھنے کے لیے لوگ گھروں کے چھتوں پر چھڑ گئے اور چاند دیکھنے کے لیے آسمان کی جانب دیکھنے لگے، کئی علاقوں میں آسمان صاف ہونے کی وجہ سے متعدد لوگوں کو چاند نظر آیا، چاند دیکھنے کے بعد لوگوں نے سماجی دوری کا خیال رکھتے ہوئے ایک دوسرے کو مبارک باد پیش کی۔

سہارنپور کے دیوبندعلاقے میں آسمان صاف نہ ہونے کی وجہ سے ہر کوئی چاند نہیں دیکھ سکا، لیکن ملک کے متعدد مقامات سے چاند دیکھے جانے کی خبر کی تصدیق کے بعد دیوبند میں رویت ہلال کمیٹی کی میٹنگ ہوئی، میٹنگ کے بعد دارالعلوم دیوبند نے گھنٹی بجاکر چاند ہونے کی تصدیق کی۔