تاریخ داں رامچندر گوہا گرفتار

سی اے اے احتجاج: پولیس نے بنگلورو میں ایک مظاہرے کے دوران مورخ رامچندر گوہ سمیت 30 افراد کو حراست میں لیا ملک بھر میں شہریت ترمیمی قانون کے خلاف احتجاجی مظاہرے جاری ہیں، جنوبی ہند کی ریاستیں تلنگانہ اور کرناٹک میں بھی اس کے خلاف مظاہرے جاری ہیں۔

تاریخی داں رامچندر گوہا کو آج بنگلورو میں شہریت کے قانون کے خلاف احتجاج کے دوران حراست میں لیا گیا۔ وہ شہر کے ٹاؤن ہال میں ایک مظاہرے میں شریک تھے، جہاں کل شام دفعہ 144 نافذ کردی گئی تھی۔

مورخ رامچندر گوہ کو پولیس نے آج بنگلورو میں شہریت کے قانون کے خلاف احتجاج کے دوران درجنوں افراد سمیت حراست میں لے لیا گیا ۔ 61 سالہ تاریخ داں ٹاؤن ہال میں ہو رہے ایک مظاہرے میں حصہ لے رہے تھے۔
رامچندر نے کہا "مجھے گاندھی کا پوسٹر دکھانے اور پریس کو آئین کے بارے میں بات کرنے پر پولیس نے حراست میں لیا ہے۔"

"پولیس مرکزی حکومت کی ہدایت پر کام کررہی ہے۔ ہم ایک قوم کے ساتھ امتیازی سلوک کے خلاف ، پرامن انداز میں مظاہرہ کر رہے ہیں۔ یہاں دیکھیں ، سب پر امن طور پر احتجاج کر رہے ہیں۔ کیا آپ نے کوئی تشدد دیکھا ہے؟"