رام مندر کا 5 اگست کو بھومی پوجن، مودی شرکت کر سکتے ہیں

رام جنم بھومی تیرتھ شیتر ٹرسٹ کے رکن کامیشور چوپل نے کہا ہے کہ 'رام مندر 161 فٹ اونچی ہوگی اور اب تین کی جگہ پانچ گنبد تعمیر کیے جائیں گے'۔

شری رام جنم بھومی تیرتھ شیتر ٹرسٹ کی دو گھنٹے طویل میٹنگ میں یہ فیصلہ کیا گیا کہ رام مندر 161 فٹ لمبائی کے ساتھ پانچ گنبد پر مبنی ہوگی۔ اجلاس میں رام مندر کی مجموعی شکل اور ڈیزائن پر بھی تبادلہ خیال کیا گیا۔

ٹرسٹ کے صدر مہنت نریتیا گوپال نے اجلاس کی صدارت کی۔ اس میٹنگ میں ٹرسٹ کے تمام اراکین موجود تھے۔ یہ میٹنگ دو گھنٹے سے زیادہ جاری رہی اور مندر کی تعمیر سے متعلق تمام نکات پر تبادلہ خیال کیا گیا۔

رام جنم بھومی تیرتھ شیتر ٹرسٹ کے رکن کامیشور چوپل نے کہا ہے کہ 'رام مندر 161 فٹ اونچی ہوگا اور اب تین کی جگہ پانچ گنبد تعمیر کیے جائیں گے'۔

چوپل نے بتایا کہ 'رام مندر کی تعمیر اور بھومی پوجن کے لئے وزیراعظم کے دفتر میں ایک درخواست بھیجی گئی ہے۔ توقع ہے کہ وزیر اعظم نریندر مودی تین یا پانچ اگست کو ایودھیا کی مندر کے لئے بھومی پوجا کریں گے۔

اس کے علاوہ میٹنگ میں رام مندر کی مجموعی شکل اور ڈیزائن پر تبادلہ خیال بھی ہوا۔

رام مندر کو وشو ہندو پریشد کے تجویز کردہ ڈیزائن کی بنیاد پر تیار کی جائے گا۔ اس کی لمبائی، چوڑائی اور اونچائی میں اضافہ کیا جائے گا۔

بتایا گیا ہے کہ اس مندر کی تعمیر مکمل ہونے میں ساڑھے تین برس لگیں گے۔ کورونا وائرس کے سبب لاک ڈاؤن اور دیگر وجوہات کی بنا پر تعمیراتی کام میں تاخیر ہوئی ہے۔