ہجومی تشدد کے خلاف ریلی: پولیس کی ہوائی فائرنگ

ریاست گجرات کے شہر سورت میں مسلم تنظیموں نے ملک گیر سطح پر ہونے والے ہجومی تشدد کے خلاف ایک احتجاجی ریلی نکالی۔

ریلی میں ہزاروں کی تعداد میں لوگ شریک ہوئے۔
حکام کے مطابق ریلی کے دوران بعض شر پسندوں نے پتھراو شروع کیا، جس پر قابو پانے کے لیےپولیس نے ہوائی فائرنگ کی اور آنسو گیس کا استعمال کیا۔

احتجاجیوں نے پتھراو کرتے ہوئے عوامی بس،اور پولیس کی گاڑیوں کو نشانہ بنایا۔
اس واقعہ میں پولیس کی دو گاڑیوں کو نقصان پہنچا اور چار پولیس اہلکار زخمی بتائے گئے۔
پولیس کمشنرستیش شرما کےمطابق اب حالات قابو میں ہیں اور علاقہ میں دفعہ144 نافذ کردیا گیا۔
پولیس نے کہا کہ اس ریالی کو منظم کرنے کی اجازت نہیں دی گئی تھی۔