مرکزی کابینہ کی اقتصادی امور کی کمیٹی میں ان فصلوں کی سہارا قیمت بڑھائے جانے سے متعلق تجویز کو منظوری ملنے کے بعد راجناتھ سنگھ نے سلسلہ وار ٹویٹ کرکے کہا کہ اب ایم ایس پی پر تمام طرح کی غلط فہمی دور ہوجانی چاہئے۔
انہوں نے کہا کہ آج وزیراعظم کی صدارت میں کابینہ نے ربیع کی کئی فصلوں کے ایم ایس پی میں اضافہ کا جو فیصلہ کیا ہے، وہ کسانوں کے مفادات کے تئیں ان کے عزم کو پیش کرتا ہے، یہ اضافہ سوامی ناتھن کمیشن کے جذبہ کے مطابق ہیں۔
ایک دیگر ٹویٹ میں انہوں نے کہا کہ کسانوں کو ان کی فصلوں کی فائدہ مند قیمت مل سکے اس کے لیے لاگت قیمت کا ڈیڑھ گنا اور کچھ فصلوں میں تو دو گنا قیمت ایم ایس پی کے تحت کسانوں کو دینے کا فیصلہ آج کیا گیا ہے، میں تہہ دل سے وزیراعظم کے فیصلے اور وزیر زراعت کے اعلان کا خیر مقدم کرتا ہوں۔
انہوں نے کہا کہ گزشتہ چھ برسوں میں وزیراعظم مودی کی قیادت میں ایم ایس پی میں مسلسل اضافہ کیا گیا ہے۔اس سے ایم ایس پی کے تئیں جو غلط فہمی ہے وہ دور ہوجانی چاہئے۔
