'حکومت کو کسانوں کی بات سننا چاہئے'

کانگریس نے کہا کہ کسان اس وقت تک واپس نہیں جائیں گے جب تک ان کی بات نہیں سنی جائے گی۔

کانگریس کے سابق صدر راہل گاندھی نے کہا ہے کہ زرعی قوانین کے خلاف کسان تقریباً ایک ماہ سے احتجاج و مظاہرہ کر رہے ہیں اور ان کی تحریک کو بھٹکانے کی کوششیں کی جارہی ہے لیکن حکومت کو یہ سمجھنا چاہئے کہ وہ اس وقت تک واپس نہیں جائیں گے جب تک کسان کی بات نہ سنی جائے۔

'حکومت کو کسانوں کی بات سننی ہوگی'

راہل گاندھی نے ٹویٹ کر کے کہا کہ 'مٹی کا ذرہ ذرہ گونج رہا ہے، حکومت کو سننا پڑے گا۔'

کانگریس رہنما نے ایک ویڈیو بھی پوسٹ کی ہے جس میں کسانوں کے احتجاج کی متعدد جھلکیاں ہیں جس میں کسان کہہ رہے ہیں کہ حکومت کو ان کی بات سننی ہوگی اور جب تک ان کے مطالبات نہیں مانے جاتے تب تک تحریک ختم نہیں ہوگی۔

(یو این آئی)