بی جے پی رکن اسمبلی کے بیان کی راہل نے مذمت کی

اترپردیش کے بلیا اسمبلی حلقہ سے بی جے پی کے رکن اسمبلی سریندر سنگھ نے یوپی میں بڑھتی ہوئی جنسی زیادتی کے واقعات کی وجہ بچیوں کا غیر مہذب ہونا بتایا تھا۔

کانگریس کے سابق صدر راہل گاندھی نے شدید رد عمل ظاہر کیا اور بی جے ہپی رکن اسمبلی کے بیان کی سخت مذمت کی ۔

انہوں نے اپنے ٹویٹ پیغام میں لکھا 'یہ سنگھ کی گھناؤنی اور توہم پرستی کی ذہنیت ہے۔ مرد عصمت دری کرتے ہیں، لیکن خواتین کو اچھی اقدار کی تعلیم دی جاتی ہے۔

راہل گاندھی کا ٹویٹ

رکن اسمبلی سریندر سنگھ نے کہا تھا والدین کی ذمہ داری ہے کہ وہ اپنی جوان بیٹی کو مہذب ماحول میں رہنے، چلنے اور شائستہ سلوک پیش کرنا سکھائیں۔ ان واقعات کو صرف تہذیب کے ذریعہ ہی روکا جاسکتا ہے، اس طرح کے واقعات حکمرانی اور تلوار سے رکنے والے نہیں ہیں۔

بلیا کے رکن اسمبلی سریندر سنگھ ایک سوال سے پوچھا گیا کہ ریاست میں رام رجیہ کا دو دورہ ہے تو انہوں نے کہا کہ میں ایک رکن اسمبلی ہونے کے ساتھ ساتھ ایک ٹیچر بھی ہوں، ان واقعات کو صرف تہذیب کے ذریعہ ہی روکا جاسکتا ہے، وہ حکمرانی اور تلوار سے رکنے والے نہیں ہیں۔

ان کا یہ بیان ہاتھرس اجتماعی جنسی تشدد کے بعد سامنے آیا تھا۔