تیل کی بڑھتی ہوئی قیمتوں پر کانگریس کا ملک گیر احتجاج کا اعلان

راہل گاندھی نے 26 جون کو ریاستی اکائیوں سے ایندھن کی بڑھتی قیمتوں کے خلاف تمام ضلعی صدر دفاتر پر دھرنا دینے کی ہدایت دی ہے۔ اس دوران گلوان میں ہلاک ہونے والے فوجیوں کو سلامی پیش کی جائے گی۔

پیٹرول وڈیزل کی قیمتوں میں مسلسلہ اضافہ کے خلاف کانگریس پارٹی نے احتجاج بلند کرنے کا فیصلہ کیا ہے۔

کانگریس پارٹی کے سینئر رہنما راہل گاندھی نے ایندھن کی قیمتوں میں مسلسل اضافہ پر مرکزی حکومت کی سخت نکتہ چینی کرتے ہوئے 26 جون کو ملک گیر احتجاج کرنے کا فیصلہ کیا ہے۔

تیل کی بڑھتی ہوئی قیمتوں پر کانگریس کا ملک گیر احتجاج کا اعلان

کانگریس کے سابق صدر راہل گاندھی اور جنرل سکریٹری کے سی وینوگوپال نے پارٹی کے ریاستی صدور کے ساتھ ویڈیو کانفرنس کی۔

اس ویڈیو کانفرنسنگ میں لائن آف ایکچول کنٹرول (ایل اے سی) پر چین کے ساتھ ملک میں کشیدگی، کورونا وبائی مرض اور بڑھتی ہوئی ایندھن کی قیمتیں کی وجہ سے ملک کی صورتحال کے بارے میں تبادلہ خیال کیا۔

لداخ کی وادی گلوان میں چین کے ساتھ ہونے والے واقعے کے دوران اپنی جان سے ہاتھ دھو بیٹھنے والے 20 فوجیوں کی یاد میں پارٹی نے 26 جون کو ملک بھر میں 'شہدا کو سلامی' کے پروگرام کا انعقاد کرنے کا فیصلہ کیا ہے۔

کانگریس نے ریاستی یونٹز کو ڈیزل اور پیٹرول کی بڑھتی قیمتوں کے خلاف 26 جون کو ملک بھر کے تمام ضلعی صدر دفاتر میں دھرنا (دھرنا احتجاج) کرنے کی ہدایت دی ہے۔

ذرائع کے مطابق راہل گاندھی اور سونیا گاندھی کی بھی 26 جون کو دہلی میں ہونے والے پروگرام میں شرکت کی توقع ہے۔

پروگرام کے مقام کا ابھی فیصلہ نہیں ہوا ہے اور یہ پارلیمنٹ کے اندر مہاتما گاندھی کے مجسمے کے سامنے عارضی طور پر منعقد ہوسکتا ہے۔ اس سلسلے میں دہلی کانگریس نے جمعرات کو ایک اجلاس طلب کیا ہے۔

راہول گاندھی نے تمام ریاستی صدور سے کہا ہے کہ 'وہ تینوں امور پر حکومت کی ناکامی کو بہت مضبوطی کے ساتھ پیش کریں'۔

گاندھی نے اس میٹنگ میں کہا کہ 'وہ پہلے ہی ملک میں بحرانوں کے بارے میں متنبہ کرچکے ہیں لیکن وزیراعظم نریندر مودی نے اس پر عمل نہیں کیا'۔

کانگریس کا کہنا ہے کہ 'معاشی صورتحال خراب ہو یا کوررونا کی بھیانک شکل اختیار کرجانا، موجودہ صورتحال کے لئے وزیر اعظم کا سست رویہ ذمہ دار ہے'۔

راہل گاندھی کا کہنا ہے کہ 'انہوں نے کسی بھی مسئلے کو سنجیدگی سے نہیں لیا اور مناسب فیصلہ وقت پر نہیں کیا گیا'۔

ان کا مزید کہنا ہے کہ 'چین نے ایل اے سی پر ایک سوچی سمجھی حکمت عملی کے تحت کارروائی شروع کردی ہے۔ جسے حکومت مان نہیں کررہی ہے'۔

راہل کے مطابق 'ہماری خارجہ پالیسی مکمل طور پر ناکام ہوگئی ہے'۔

کانگریس کے سابق صدر نے کہا کہ 'دوست اور ہمسایہ ممالک کے ساتھ ملک کے تعلقات بگڑ چکے ہیں اور الزام عائد کیا کہ وزیر اعظم اس کے ذمہ دار ہیں'۔

انہوں نے کہا کہ 'کانگریس نے براہ راست فائدے کے لیے عوام کو فوری طور پر مالی امداد کا مطالبہ کیا لیکن حکومت اسے قبول کرنے کے لئے تیار نہیں ہے’۔

اجلاس کے اختتام پر بہت سے ریاستی صدور نے کانگریس کارکنوں کی اس خواہش کے بارے میں بات کی کہ پارٹی کی لگام راہول گاندھی کو سنبھالنی چاہئے۔

راجستھان کے وزیر اعلی اشوک گہلوت نے کانگریس ورکنگ کمیٹی کی میٹنگ میں یہ مطالبہ اٹھایا۔ اس سلسلے میں متعدد رہنماؤں نے راہول گاندھی کو ایک خط بھی لکھا ہے۔