'کورونا کی لڑائی میں گجرات ماڈل فیل'

کورونا کی وجہ سے گجرات میں 24 ہزار 55 افراد کورونا سے متاثر ہیں تو وہیں ایک ہزار 505 افراد کی ہلاکت ہو چکی ہے، احمد آباد میں سب زیادہ معاملے سامنے آئے ہیں، اسی درمیان کانگریس کے رہنما راہل گاندھی نے گجرات حکومت کی شدید نکتہ چینی کی ہے۔

کانگریس پارٹی کے سینئر رہنما راہل گاندھی نے کورونا متاثرہ گجرات کو لے کر طنز کیا ہے انہوں نے کہا ہے کہ کورونا سے لڑائی میں جس گجرات ماڈل کا ذکر کیا جا رہا ہے وہ فیل رہا ہے، انہوں نے ایک ٹویٹ میں لکھا کہ متاثرین اور ہلاکتوں کی بڑھتی تعداد کو دیکھنے سے پتہ چلتا ہے کہ گجرات ماڈل کی پول کھل گئی ہے۔

ایک میڈیا رپورٹ کا حوالہ دیتے ہوئے راہل نے لکھا ہے کہ کورونا وائرس اموت کی شرح سب سے زیادہ گجرات میں ہے، ان کا کہنا تھا کہ کورونا وائرس سے گجرات میں سب سے زیادہ لو گوں کی موت ہوئی ہے۔

بشکریہ ٹویٹر

اہم بات یہ ہے کہ راہل گاندھی مسلسل مرکزی حکومت پر کورونا کی روک تھام اور اس کے پھیلاؤ کو روکنے کے لیے عائد کی پابندیاں (لاک ڈاؤن) سے پیدا ہونے والے معاشی بحران سے متعلق سوال کھڑے کررہے ہیں۔