اپوزیشن پارٹیوں کی زبردست نکتہ چینی کے بعد مودی حکومت نے آئندہ ہونے والے مانسون سیشن کے دوران وقفہ سوال کو 30 منٹ تک کی اجازت دی ہے۔
دراصل پارلیمنٹ کا مانسون اجلاس 14 ستمبر سے کورونا بحران کے درمیان شروع ہورہا ہے۔ پارلیمنٹ اجلاس کا اختتام یکم اکتوبر کو ہوگا۔
اس کے علاوہ پارلیمنٹ کے اس اجلاس میں 14 ستمبر سے یکم اکتوبر کے درمیان کوئی تعطیل نہیں ہوگی یعنی مسلسل 18 دنوں تک اجلاس کی کاروائی مسلسل جاری رہے گی۔ پارلیمنٹ کی کارروائی ہفتہ اور اتوار کو بھی جاری رہے گی۔
وہیں پارلیمنٹ سے متعلق کانگریس کی حکمت عملی سے متعلق میٹینگ ہوئی جس میں آئندہ مانسون اجلاس کی حکمت عملی پر تبادلہ خیال کیا گیا۔
اطلاعات کے مطابق 'جی ڈی پی کی شرح میں منفی 23.6 فیصد کی بڑی گراوٹ، سرحد پر چین کے ساتھ سرحدی تنازع، کورونا بحران، تارکین وطن کے مسائل، بے روزگاری، نئی تعلیمی پالیسی اور کچھ دیگر امور پر حکومت سے سوال کیے جائیں گے۔'
وہیں اس سے پہلے یہ فیصلہ لیا گیا تھا کہ پارلیمنٹ کے آئندہ مانسون اجلاس میں نہ تو وقفۂ سوال اور نہ ہی غیر سرکاری بل لائے جائیں گے۔
یہ بھی پڑھیں: پارلیمنٹ میں وقفۂ سوال کی اہمیت
واضح رہے کہ 'یہ فیصلہ کورونا وائرس کی وجہ سے لیا گیا تھا۔ لیکن اس فیصلے کی تمام اپوزیشن پارٹیوں نے زبردست مخالفت کی تھی غالباً ان کی مخالفت کی وجہ سے ہی مودی حکومت بیک فٹ پر آئی ہے اور 30 منٹ وقفہ سوال کے سیشن کی اجازت دی ہے۔'
