کانپور: اسمرتی ایرانی کی آمد ،مزدوروں کا احتجاج

مرکزی وزیر برائے کپڑا اسمرتی ایرانی بی جے پی کے الیکشن مہم کے تحت کانپور میں ایک ریلی کو خطاب کرنے کے لیے آ رہی ہیں جس کو لے کر لال املی کے مزدور تنخواہ نہ ملنے کی وجہ سے احتجاج کر رہے ہیں۔

مظاہرین دھرنے پر بیٹھ گئے ہیں انہوں نے بڑے وعدے اور بڑے دعوے کرنا چھوڑ کر تنخواہیں دلانے کا مطالبہ کیا۔

ریاست اترپردیش کے شہر کانپور میں بی آئی سی اور این ٹی سی کی تیرہ ملیں تھی ،جو اس وقت بند ہیں، یہ ملیں تقریبا 20 سے 25 سال سے بند ہیں۔ ان میلوں میں کام کرنے والے مزدوروں کو تنخواہیں متعینہ وقت پر نہیں ملی رہی ہیں، جس کی وجہ سے یہ غریب مزدور مجبور ہوکرخودکشی کرنے اور احتجاج کرنے پرمجبور ہیں۔

مرکزی کپڑا وزیر اسمرتی ایرانی کانپور کے شاستری نگر میں جلسہ عام کرنے کے لیے آ رہی ہے، جس کے خلاف لال املی کے سینکڑوں ملازمین نے احتجاجی مظاہرہ کیا اور شاستری نگر میں ان کی جلسے کی مخالفت کر رہے ہیں۔

لال املی میل لیڈر آشیش پانڈے نے بتایا کی لال املی کے مزدوروں کو 20 ماہ سےتنخواہ نہیں ملی ہے جس کی وجہ 41 مزدوروں کی موت ہو چکی ہے کچھ مزدوروں نے تو خود کشی تک کر لی ہے کپڑا وزیر اسمرتی ایرانی سے لال املی کے ملازمین ملنے بھی گیاتھا پر کچھ بھی نہیں ہوا مزدور اب تگهالی پر رہنے کو مجبور ہے۔

کانپور میں آرہی اسمرتی ایرانی کی مخالفت پر اُتر ے مزدور یونین کے رہنما اپنے مزدور ساتھیوں کی تنخواہ پانے کے لیے بضدہیں۔

انتخابات میں ووٹوں کی سیاست کرنے کے لیے اسمرتی ایرانی مزدورو ں کے گڑھ شاستری نگر آ رہی ہے جس کا لال املی کے ملازمین جم کر مخالفت کررہے ہیں۔