کشن گنج میں شہریت ترمیمی قانون کے خلاف مظاہرے

مظاہرین نے مرکزی اور ریاستی حکومت سے شہریت ترمیمی قانون کو واپس لینے کامطالبہ کیا گیا.

ریاست بہار کے ضلع کشن گنج میں شہریت ترمیمی کے خلاف ضلعی سطح پر مختلف سیاسی جماعتوں کی جانب سے مظاہرے ہوئے۔

احتجاج کے دوران این ایچ 13 تقریباً 07 گھنٹے تک بند رہا حالانکہ اس دوران مریضوں کی گاڑئیوں کو روکا نہیں گیا بلکہ اس کے لئے راستہ ہموار کیا گیا.

شام 5 بجے تک چلنے والے اس احتجاجی جلسہ میں رکن پارلیامان ڈاکٹر محمد جاوید آذاد، مجلس اتحاد المسلمین کے صدر اخترالایمان، جمعیت علماء ہند کوچادھامن کے صدر الحاج اظہار اصفی، بہادرگنج اسمبلی حلقہ کے آزاد امیدوار احتشام انجم، جے ڈی یو کے بلاک صدر دانش عالم وغیرہ اشخاص موجود تھے.

اس موقع پر آل انڈیا مجلس اتحاد المسلمین کے ریاستی صدر اخترالایمان نے کہا ملک کی موجودہ حکومت ہمیں صرف اور صرف پریشان کرنا چاہتی ہے. یہ سرکار ملک بھارت کو ہندو ملک بنانا چاہتی یے. اس کام میں ریاست کی نتیش سرکار برابر کا حصدار ہے.

آل انڈیا مجلس اتحاد المسلمین کے ریاستی صدر اخترالایمان نے نے کہا کہ جو لوگ بھی این آر سی اور سی اے اے کے خلاف احتجاج کر رہے ہیں خواہ گاوں کی سطح پر ہو یا پھر بلاک و ضلعی سطح پر انہیں چاہیے کہ کم از کم ایک میمورنڈم اپنے بی ڈی او کے یہاں ضرور دے دیں.

اخترالایمان نے کہا کہ آپ چاہیں تو گورنر کے نام یا پھر صدر جمہوریہ کے نام دونوں میں سے کسی کے نام بھی میمورنڈم دے سکتے ہیں اور دیبا ہی چاہیے کیونکہ جمہوری نظام میں میمورنڈم بہت معانے رکھتا ہے.

انہوں نے کہا کہ جمہوریت میں یہ چیزیں سرکار پر دباؤ بنانے کا سبب بنتا ہے. لوگوں کی ناراضگی کا باضابطہ ایک ریکارڈ بنتا ہے، اور یہ دستاویز بھی آپ کے لئے ہوگا. آنے والی نسلیں بھی کل دیکھیں گی کہ آپ اس لڑائی کو لڑے تھے.

کوچادھامن اسمبلی حلقہ کے بربٹہ سے ایم آئی ایم کے رہنما اظہار اصفی کی قیادت میں ایک جلوس نکلا جو ٹینا، بھٹہ ہاٹ ہوتے ہوے سونتھا پہونچا وہاں سے کوچادھامن ہوتے ہوے واپس لوٹ آیا. جلوس کے دوران وزیراعظم نریندر مودی، وزیر اعلیٰ نتیش کمار اور امت شاہ کے خلاف نعرے بازی ہوئی. سرکار سے سی اے اے واپس لینے کی مانگ کی ساتھ ہی این آر سی نافذ نہ ہو اس کا بھی مطالبہ کیا.

اظہار اصفی نے بھی وزیر اعظم نریندر مودی اور امت شاہ کی سخت تنقید کی۔اس کے بعد مشترکہ طور پر ضلع کلکٹر ہمانشو شرمہ کو صدر وطن کے نام میمورنڈم دیا گیا.

اپنی تقریر میں مجلس کے رہنما اظہار اصفی نے کہا کہ بہار کے وزیر اعلیٰ نتیش کمار مسلمانوں کے کتنے ہمدرد ہیں وہ تو اس بل کی تائید سے پتہ چل گیا ہے.

انہوں نے میڈیا سے گفتگو کے دوران کہا کہ جے ڈی یو کے رکن پارلیامن دونوں ایوانوں میں بل کی تائید کر مسلمانوں کے زخموں پر نمک چھڑکنے کا کام کئے ہیں.

پہلے صرف این آر سی کا مسئلہ تھا، اب سی اے اے کے ذریعہ ہندو، بدھ، سکھ، عیسائی کو بچاکر صرف مسلمانوں سے ان کا حق چھینا جائیگا.

اصفی نے کہا کہ نتیش کمار اپنے بچاؤ کے لئے آج جھوٹ بول رہے ہیں کہ بہار میں این آر سی نافذ نہیں ہوگا. اگر مسلمانوں کے اتنے ہی خیرخواہ ہے تو دونوں ایوانوں میں بل کی تائید کیوں کی.

جنتا دل یونائیٹید کے کے رکن اسمبلی مجاہد عالم نے اپنے ایک بیان میں کہا کہ شہریت ترمیمی قانون اور این آر سی کو لے کر ان کا رخ پہلے سے ہی طئے ہے اور وہ شروع دن سے اس کی مخالفت کر رہے ہیں.

انہوں نے کہا کہ گزشتہ یکم دسمبر کو دارالحکومت دہلی کے بٹلہ ہاوس علاقہ میں منعقد تعلیمی پروگرام میں بھی صاف طور پر کہ دیا تھا کہ بہار میں خاص کر کشن گنج میں این آر سی کی کوئی ضرورت نہیں ہے.

رکن اسمبلی نے کہا کہ لوک سبھا اور راجیہ سبھا میں شہریت ترمیمی بل کی حمایت میں بھلے ہی ان کی پارٹی ووٹنگ کی ہو لیکن ہم اس کی سخت مذمت کرتے ہیں اس کی پرواہ کئے بغیر کہ پارٹی میرے خلاف کوئی ایکشن لے.
غور طلب ہے کہ بہار کی جنتا دل یونائیٹیڈ نے دونوں ایوانوں میں سی اے بی بل کی حمایت میں تھے اور اب جے ڈی یو رکن اسمبلی نے کہا کہ بہار میں نافذ نہیں ہوگی ۔

جس میں جے ڈی یو رکن اسمبلی ماسٹر مجاہد عالم خصوصی طور پر شرکت کئے. بتا دیں کہ دونوں ایوانوں راجیہ سبھا اور لوک سبھا میں جے ڈی یو کے بل کی حمایت کرنے سے اس وقت عوام میں خاصہ غم و غصہ ہے.

اس موقع پر رکن اسمبلی ماسٹر مجاہد عالم نے کہا کہ وزیر اعلیٰ نتیش کمار اس بات کو لیکر بیحد سنجیدہ ہیں کہ وہ کسی بھی قیمت پر بہار میں این آر سی نافذ ہونے نہیں دیں گے.

مجاہد عالم نے کہا کہ اگر میرے استعفیٰ دینے سے بل رک جاتا تو میں اسی وقت استعفیٰ دے دیتا. میں جانتا ہوں عوام میری مجبوری سمجھ رہی ہے لیکن وہ لوگ جنہیں رکن اسمبلی، رکن پارلیامن بننے کی جلدی ہے وہ عوام میں نفرت کی بیج بو رہے ہیں.

مجاہد عالم نے مزید کہا کہ بہت جلد وزیر اعلیٰ علماء کرام، مسلم دانشوران سے مل کر انہیں اعتماد دلایں گے کہ بہار میی این آر سی نافذ نہیں ہونے دیا جائے گا.

کشن گنج ایجوکیشنل مومینٹ کی جانب سے ہیڈ کوارٹر میں واقع ٹاون حال کے نزد احتجاجی جلسہ کا انعقاد کیا گیا جس میں سبھی سیاسی پارٹیوں کے رہنما، کارکنان، دانشوران، طلبہ و طالبات ، سماجی کارکن اور بڑی تعداد میں گاوں سے آے لوگ شامل تھے.

ہیلپ این جی او کے تحت این آر سی اور سی اے اے کے تعلق سے بہادرگنج کے رسل ہائی اسکول گراونڈ میں میٹنگ منعقد کی گئی.