'وائرس سے خود کو بچائیں'

مرکزی وزیر کشن ریڈی نے کہا،کورونا کے علاج کی دوائی ابھی نہیں آئی ہے،اس لیے بہتر یہ ہیکہ ہر آدمی چوکنا رہے اور احتیاط کرے۔

مرکز کے مملکتی وزیر داخلہ کشن ریڈی نے عوام کو مشورہ دیا کہ وہ کورونا وائرس سے بچاو کے لیے اپنے طور پر احتیاطی اقدامات کریں اور وائرس سے خود کو بچائیں۔

مذکورہ وزیر نے کہا کہ تلگو ریاستوں میں کورونا وائرس کے کیسز میں دن بہ دن اضافہ ہورہا ہے،ان حالات میں عوام کو اپنے طور پر احتیاطی اقدامات کرنے چاہئے۔

انھوں نے کہا کہ کورونا کے علاج کی دوائی ابھی نہیں آئی ہے،اس لیے بہتر یہ ہیکہ ہر آدمی چوکنا رہے اور احتیاط کرے۔

انھوں نے کہا کہ سماجی دوری،ماسک کا استعمال اور اشد ضرورت کے گھر سے باہر نکلنے سے پرہیز کریں۔

انھوں نے کہا کہ کووڈ-19 کی وجہ ملک معاشی مسائل سے دو چار ہے،ایسے میں عوام کو حکومت کا تعاون کرنا چاہئے۔ انھوں نے مزید کہا کہ، 'ہمیں کورونا کو ہراکر زندہ رہنا ہے۔ اور ملک کی بھی حفاظت کرنا ہے۔'