کانگریس کی جنرل سکریٹری پریانکا گاندھی واڈرا نے بدھ کے روز اتر پردیش میں پی سی ایس آفیسر منی منجری کی خودکشی کے معاملے کی تحقیقات کا مطالبہ کرتے ہوئے کہا کہ ان کے کنبہ کو انصاف ملنا چاہئے۔
پرینکا نے ٹویٹ کیا کہ نوجوان افسر منی منجری کی خودکشی کی خبر افسوسناک ہے۔ منی منجری نے انتظامیہ کے کام پر سوال اٹھائے ہیں۔ ریاستی حکومت کو اس معاملے کی مکمل تحقیقات کرنی چاہئے۔
انہوں نے کہا کہ "بلیا میں تعینات غازی پور کی رہنے والی منی منجری کے بارے میں افسوسناک خبر موصول ہوئی، خبروں کے مطابق انہوں نے انتظامیہ کے کام کرنے کے طریقے پر سخت سوالات اٹھائے تھے۔ اس کے لئے منی منجری کے کنبہ کو انصاف ملنا چاہئے، تمام حقائق بے نقاب ہوں اور منصفانہ تحقیقات ہونی چاہئے۔‘‘
اترپردیش کے بلیا ضلع میں تعینات خاتون پی سی ایس افسر کی خودکشی کا معاملہ سامنے آیا ہے۔ پولیس کو موقع سے ایک خودکش نوٹ بھی ملا ہے، جس میں خاتون افسر نے انتظامیہ پر سنگین الزامات عائد کرتے ہوئے خود کو سیاست میں پھنسائے جانے کی بات لکھی ہے۔