'اقتصادی بحران کو حل کیا جائے'

کانگریس جنرل سکریٹری پرینکا گاندھی نے حکومت پر اقتصادی بحران کے حالات کو چھپانے کا الزام لگاتے ہوئے کہا کہ 'اصلیت پر پردہ ڈالنے کے بجائے حکومت کو اس سے نمٹنے کی کوشش کرنی چاہیے'۔

پرینکا گاندھی نے ٹویٹ کیا،’’کسی جھوٹ کو سو بار کہنے سے جھوٹ سچ نہیں ہوجاتا۔بی جے پی حکومت کو یہ اعتراف کرنا چاہیے کی معیشت میں تاریخی بحران ہے اور انہیں اسے حل کرنے کے اقدامات کی طرف بڑھنا چاہئے۔‘‘
انہوں نے کہا کہ 'ملک اقتصادی بحران کے دور سے گزر رہا ہے اور اس کی خبرسب کو ہے اس لئے میڈیا مینجمنٹ کے ذریعہ اسے چھپانے کی کوشش نہیں ہونی چاہیے'۔
انہوں نے کہا ''بحران کا حال سب کے سامنے ہے۔حکومت کب تک ہیڈ لائن مینجمنٹ سے کام چلائےگی''
واضح رہے کہ دو دن پہلے کانگریس کے سینیئر رہنما اور سابق وزیر اعظم من موہن سنگھ نے بھی اقتصادی بحران کے سلسلے میں حکومت پر سخت طنز کیاتھا اور حکومت کو اس کا حل نکالنے کا مشورہ دیا تھا۔
ڈاکٹر سنگھ نے کہا تھا کہ 'ملک کا اقتصادی بحران بدنظمی کا شکار ہوا ہے۔ میں حکومت سے اپیل کرتا ہوں کہ انہیں کسی طرح کی سیاست کیے بغیر ملک کو اقتصادی بحران سے باہر نکالنے کی کوشش کرنا چاہیے کیونکہ ملک طویل اقتصادی بحران کو برداشت نہیں کر سکتا ہے۔'