غیر اخلاقی تبصرے سے حج ٹور آپریٹرز چراغ پا

مہاراشٹر ریاستی حج کمیٹی کے چیئرمین جمال صدیقی کی جانب سے مبینہ طور پر امور حج کے لیے پرائیویٹ ٹورآپریٹرز کو سابقہ حکومت کی 'نا جائز اولاد' کہنے پر حج ٹور آپریٹرز کی تنظیم نے شدید اعتراض کیا ہے۔

آل انڈیا حج و عمرہ ٹور آپریٹرز ایسوسی ایشن کے جنرل سکریٹری سہیل اختر صدیقی نے بتایا کہ پرائیویٹ حج ٹور آپریٹرز کو نشانہ بنایاجارہا ہے۔

حال ہی میں مہاراشٹر اسٹیٹ حج کمیٹی کے نو نامزد صدر جمال صدیقی نے پرائیویٹ حج ٹور آپریٹرز کے خلاف نازیبا زبان استعمال کرنے کا الزام عائد کیا ہے۔

ایسوسی ایشن کے جنرل سکریٹری نے مطالبہ کیا ہے کہ مہاراشٹر اسٹیٹ حج کمیٹی کے صدر جمال صدیقی کو فوری طور پر برطرف کیا جائے۔

انہوں نے دھمکی دی ہے کہ اگر حج ٹور آپریٹر کے مطالبات پورے نہیں کیے گئے تو ملک بھر میں تحریک چلائی جائے گی۔