تملناڈو کے توتیکورین ضلع جیل کے 21 ریمانڈ قیدی اور دو افسران کورونا وائرس (کووڈ۔19) سے متاثر پائے گئے ہیں۔
پولس ذرائع نے منگل کو یہاں اس کی تصدیق کرتے ہوئے کہا ہے کہ سبھی متاثر قیدیوں کو ایک سرکاری کورنٹائن سینٹر میں علاج کے لئے بھیجا گیا ہے جبکہ ان کے ساتھ ہی دیگر قیدیوں کو جیل میں کورنٹائن کیا گیا ہے۔ کورونا سے متاثر جیل کے دو افسران کو بھی سرکاری اسپتال میں بھرتی کرایا گیا ہے۔
کمیونٹی انفیکشن کے پیش نظر محکمہ صحت کے اہلکار پورے جیل احاطے میں صفائی مہم اور جراثیم کش دواؤں کا چھڑکاؤ کررہے ہیں۔
توتیکورین کے چیف ڈسٹرکٹ اینڈ سیشن جج نے چار قیدیوں کے کورونا سے متاثر پائےجانے کے بعد جیل کے سبھی59 ریمانڈ قیدیوں اور 28 جیل ملازموں کو کورونا جانچ کرانے کا حکم دیا تھا۔ مجرمانہ معاملوں میں قید چاروں قیدیوں کا کورونا جانچ کرایا گیا تھا۔
پیر کی شام آئی رپورٹ میں 59 میں سے 21 قیدیوں اور 28 میں سے دو ملازموں کے کورونا سے متاثر ہونے کی تصدیق ہوئی ہے۔ اس کے ساتھ ہی اس جیل میں متاثرین کی تعداد بڑھ کر 25 ہوگئی ہے جبکہ جیل کےدو ملازمین بھی اس سے متاثر ہوکر اسپتال میں داخل ہیں۔
یہ بھی پڑھیں:حیدرآباد سے مختلف اضلاع پہنچا کورونا وائرس
