وزیر اعظم نریندر مودی بھوٹان پہنچے

بھوٹان کے پارو بین الاقوامی ہوائی اڈے پر ملک کے وزیر اعظم لوٹے شیرنگ نے وزیر اعظم مودی کا استقبال کیا۔

وزیر اعظم نریندر مودی دو روزہ دورے پر بھوٹان پہنچ گئے ہیں۔ بھوٹان پہنچتے ہی وزیر اعظم نریندر مودی کو گارڈ آف آنر دیا گیا۔
دونوں ممالک کے درمیان اہم امور پر تبادلہ خیال متوقع ہے۔ وزیر اعظم کا بھوٹان کا یہ دوسرا دورہ ہے جبکہ دوبارہ وزیراعظم بننے کے بعد یہ ان کا پہلا دورہ ہے۔

وزیر اعظم نریندر مودی ایک تقریب میں ہندوستانی روپے کا کارڈ لانچ کریں گے۔

وزیر اعظم مودی بھوٹان کے وزیر اعظم لوتے شیرنگ کی دعوت پر بھوٹان گئے ہیں۔
وزارت خارجہ کا کہنا ہے کہ وزیر اعظم کے دورے سے ظاہر ہوتا ہے کہ قابل اعتماد پڑوسی کی حیثیت سے بھوٹان کے ساتھ اپنے تعلقات کو بھارت بہت اہمیت دیتا ہے۔