نئی تشکیل شدہ مرکز کے زیر انتظام ریاست جموں وکشمیر اور لداخ کے لیفٹیننٹ گورنر سمیت 17 گورنروں نے اس کانفرنس میں شرکت کی۔صدر جمہوریہ، نائب صدر جمہوریہ، وزیر اعظم، وزیر داخلہ اور جل شکتی وزیر اس موقع پر موجود تھے۔
اس موقع پر خطاب کرتے ہوئے وزیر اعظم نے اس کانفرنس، جس کا آغاز 1949 میں ہوا تھا، کی طویل تاریخ کا ذکر کیا اور اس 50 ویں ایڈیشن کو گذشتہ کانفرنسوں کی حصولیابی، نتائج اور مستقبل کے لائحہ عمل کا جائزہ لینے کے لیے ایک انوکھا موقع قرار دیا۔
انھوں نے کہا کہ گورنر کا ادارہ معاونتی اور مسابقتی وفاقی ڈھانچے کو بروئے کار لانے میں خصوصی رول ادا کرتا ہے۔ یہ کانفرنس گورنروں او ر لیفٹیننٹ گورنروں کے لیے تبادلہ خیالات اور ایک دوسرے کے تجربات سے سیکھنے نیز سبھی ریاستوں اور مرکز کے زیر انتظام علاقوں کی امتیازی اور متنوع ضروریات کے لیے بہترین تجربات کو بروئے کار لانے کا موقع فراہم کرتی ہے'۔
وزیر اعظم نے کہا کہ اپنے انتظامی ڈھانچے کے باعث مرکز کے زیر انتظام علاقے ترقی کے رول ماڈل کے طو رپر ابھر سکتے ہیں۔
وزیر اعظم نے کہا چونکہ بھارت 2020 میں اپنی آزادی کی 75ویں سالگرہ اور 2047 میں 100ویں سالگرہ منائے گا۔ اس لیے انتظامی مشنری کو ملک کے عوام سے قریب لانے اور انھیں صحیح راہ دکھانے میں گورنر کا رول اور بھی اہمیت کا حامل ہوجاتا ہے۔ یہ صحیح معنوں میں شمولیت والی حکمرانی میں مددگار ثابت ہوگا۔
وزیر اعظم نے کہا کہ ' رواں برس ہم مہاتما گاندھی کی 150ویں جینتی منا رہے ہیں۔ اس لیے گورنر اور لیفٹیننٹ گورنر اس موقع کا استعمال گاندھیائی نظریوں اور اقدار کی موزونیت بتانے کے لیے کرسکتے ہیں جو ہمارے آئین کے ایک اہم ستون ہیں'۔