بھارتی صدر رام ناتھ کووند اور وزیر اعظم مودی نے سول سروسز ڈے کے موقع پر بیوروکریٹس کو مبارک باد پیش کی۔
صدر کووند نے کہا کہ سماجی خدمات انجام دینے مییں بیوروکریٹس نے کلیدی کردار ادا کیا ہے۔
صدر رام ناتھ کووند نے ٹویٹ کیا 'سول س روسز ڈے کے موقع پر میں سبھی سیول سرونٹس، جو اپنی نوکریاں مکمل کر چکے ہیں، یا ابھی نوکریاں کر رہے ہیں انکو، انکے اہل خانہ کو مبارک باد پیش کرتا ہوں، ہمارے سول سرونٹس عوامی بہبود کے لئے پالیسیوں اور پروگراموں کو عملی جامہ پہنانے میں کلیدی کردار ادا کرتے ہیں'۔
انہوں نے ایک دوسرے ٹویٹ میں لکھا 'موجودہ وقت میں ہمارے سول سرونٹس نے کووڈ-19 سے پیدا شدہ حالات سے نمٹنے کے لیے حساسیت اور پیشہ ورانہ مہارت سے اپنا اہم کردار ادا کیا ہے۔ مجھے اعتماد ہے کہ ہمارے یہ افسران سماج میں اسی طرح سے اپنا کام انجام دیتے رہیں گے'۔
وہیں وزیر اعظم نریندر مودی نے بھی ٹویٹ کرتے ہوئے کہا 'آج، سول سروسز ڈے کے موقع پر میں سبھی سول سرونٹس اور انکے اہل خانہ کو مبارکباد پیش کرتا ہوں اور میں سبھی افسران کا کووڈ-19 کے خلاف جنگ میں ان کی کوششوں کی تعریف کرتا ہوں'۔
وزیر اعظم مودی نے اس موقع پر اپنی ایک تقریر بھی سماجی رابطے کی ویب سائٹ پر شیئر کی ہے۔
