کسان بل 2020 پر صدر کے دستخط

ملک میں ایک جانب کسان و حزب اختلاف جماعتیں کسان بل 2020 کے خلاف مسلسل احتجاج کر رہی ہیں وہیں صدر جمہوریہ نے اس بل کو منظوری دے دی ہے۔

صدر جمہوریہ رام ناتھ کوند نے آج ایوان کے ذریعے پاس کیے گئے تین کسان بلز کو منظوری دے دی ہے۔

یہ تین بل ہیں، فارمرس پروڈیوز اینڈ کامرس بل 2020، فارمرس (امپاورمینٹ اینڈ پروٹیکشن) اگریمینٹ ان پرائس اشیورینس اینڈ فارم سروسز بل 2020 اور ایسینشیئل کموڈیٹیز بل 2020۔ ان تیوں بلز کو پارلیمنٹ نے حالیہ اختتام پذیر مون سون اجلاس کے دوران منظور کیا ہے۔

کسان بل 2020

کسانوں کی جانب سے مسلسل ان بلز کے خلاف احتجاج کیا جارہا ہے، وہیں حذب اختلاف جماعتیں بھی ان بلز کو کسانوں کے ساتھ خلاف ورزی قرار دے رہی ہیں۔

ایوان میں بل کی منظوری کے بعد کسانوں نے پچیس تاریخ کو بھارت بند کا اعلان کیا ہے، اس دن پورے بھارت میں کسانوں نے چکا جام کیا۔

ایوان میں بھی زرعی بلز 2020 کی منظوری کے دوران حذب اختلاف کی جماعتوں نے بل کے خلاف آواز بلند کی تھی، لیکن ایوان نے بل کو منظوری دے دی، جس کے بعد سیاسی جماعتوں نے اسے آئین کی خلاف ورزی بتایا۔