جئے آلوک نے کہا کہ وہ وزیر اعظم نریندر مودی اور وزیر اعلی نتیش کمار کا اعتماد نہیں جیت سکے، وہ عام آدمی پارٹی کے لیے کام کرتا ہے، راہل گاندھی سے بات کرتا ہے، مغربی بنگال کی وزیر اعلی ممتا دیدی کے ساتھ بیٹھتا ہے، اس پر کون بھروسہ کرے گا'۔
انہوں نے پرشانت کشور کی مثال کورونا وائرس سے دی اور کہا کہ ' ہم خوش ہیں کہ کورونا وائرس ہمیں چھوڑ کر جا رہا ہے، وہ جہاں جانا چاہے جا سکتا ہے۔
نتیش کمار نے پرشانت کشور پر سے متعلق کہا تھا کہ امیت شاہ کے کہنے پر انہیں جنتا دل یونائیٹیڈ میں شامل کیا گیا تھا جس کے جواب میں پرشانت کشور نے نتیش کمار پر جھوٹ بولنے کا الزام عائد کیا اور ٹویٹ کے ذریعے انہوں نے کہا کہ 'مجھے پارٹی میں شامل کرنے کے بارے میں جھوٹ بولا جارہا ہے جبکہ یہ مجھے اپنے جیسا ظاہر کرنے کی ایک ناقص کوشش ہے‘
مزید پڑھیں آپ جھوٹ بول رہے ہیں: پرشانت کشور کا نتیش پر جوابی حملہ
اپنے ٹویٹ میں پرشانت کشور نے مزید کہا ’اگر آپ سچ کہہ رہے ہیں تو کون یہ یقین کرے گا کہ آپ میں اتنی ہمت ہے کہ آپ امت شاہ کے بھیجے ہوئے شخص کی بات نہیں مان رہے ہیں‘۔