پرنب مکھرجی کی صحت میں کوئی بہتری نہیں

سابق صدر پرنب مکھرجی کی طبیعت ابھی تک نازک بنی ہوئی ہے۔ مکھرجی کورونا متاثر پائے گئے تھے جس کے بعد سے وہ دہلی کے آرمی اسپتال میں زیر علاج ہیں۔

دہلی کے ریفریل اسپتال میں زیر علاج پرنب مکھرجی کی صحت میں ابھی تک کوئی بہتری نظر نہیں آئی ہے۔

آرمی اسپتال کے مطابق انہیں ابھی وینٹیلیٹر کے سپورٹ پر رکھا گیا ہے۔ انہوں نے مزید کہا کہ ان کا وائٹل اور کلینکیل پیرامیٹر مستحکم ہے۔ ان کی صحت پر برابر نگرانی رکھی جارہی ہے۔

سابق صدر پرنب مکھرجی کے بیٹے ابھیجیت مکھرجی نے ان کی صحت سے متعلق بتایا کہ ان کی طبی حالت بہتر ہے۔ ان کے دماغ میں جمع خون کو ہٹانے کے لیے ایک آپریشن بھی کیا گیا ہے۔ اس آپریشن کے لیے انہیں 10 اگست کو اسپتال میں داخل کرایا گیا تھا اب ان کی حالت مستحکم ہے۔

پرنب مکھرجی نے کچھ روز قبل ہی اطلاع دی تھی کہ ان کی کورونا وائرس کی رپورٹ مثبت آئی ہے۔ انہوں نے گزارش کی تھی کہ جو بھی ان کے رابطہ میں آئے ہیں وہ خود سے علیحدگی اختیار کریں۔