دہلی: موسم سرما کی آمد کے ساتھ فضا کی آلودگی میں اضافہ

سی پی سی بی کے مطابق دہلی میں ہوا کا معیار انڈیکس پیر کو 300 کا ہندسہ عبور کرے گا۔ اسی دوران دہلی سے ملحقہ این سی آر شہر غازی آباد اور نوئیڈا کی ہوا بھی زہریلی ہونے لگی ہے۔

تمام انتظامی دعوؤں کے باوجود سردیوں کا موسم شروع ہوتے ہی دہلی کی ہوا زہریلی ہونے لگی ہے۔ آس پاس کی ریاستوں میں فصلوں کے جلانے کے سبب دہلی این سی آر کی ہواؤں میں آلودگی کے ذرات کی مقدار میں اضافہ ہونا شروع ہوگیا ہے، جس کی وجہ سے دہلی میں آلودگی کی سطح بڑھتی جارہی ہے۔

سی پی سی بی کے مطابق دہلی میں ہوا کا معیار انڈیکس آج 300 کا ہندسہ عبور کرلے گا۔ اسی دوران دہلی سے ملحقہ شہر غازی آباد اور نوئیڈا کی ہوا بھی زہریلی ہونے لگی ہے۔ آج صبح غازی آباد کا ایئر انڈیکس جہاں 320 تھا، تو وہیں گریٹر نوئیڈا کا 301 تھا۔

غور طلب ہے کہ گریڈڈ رسپانس ایکشن پلان (گراف) منگل سے پوری دہلی این سی آر میں نافذ کیا جارہا ہے۔ اس کے ساتھ ہی دہلی این سی آر میں چلنے والے ڈیزل جنریٹر پر بھی کل سے پابندی ہوگی۔ ہنگامی خدمات جیسے ہوائی اڈوں، ریلوے اسٹیشنوں، ہسپتالوں اور نرسنگ ہومز کو بھی اس ممانعت سے آزاد رکھا گیا ہے۔

مختلف مقامات پر درج کیے گئے ایئر کوالٹی انڈیکس

1. علی پور 275
2. روہینی 283
3. اشوک وہار 284
4. بوانا 289
5. جہاں گیر پوری 291
6. این ایس آئی ٹی دوارکا 293
7. نہرو نگر 295
8. دوارکا سیکٹر آٹھ 301
9. وویک وہار 308
10. آنند وہار 316