ہگلی میں پروفیسر کے ساتھ بدسلوکی کے بعد اب جادو پور یونیورسٹی کے پروفیسر کے ساتھ بدسلوکی کا معاملہ سامنے آیا ہے۔
اطلاعات کے مطابق یونیورسٹی کے صدر دروازے کے قریب سابق طالب علم راجیش سانترا نے بنگلہ شعبہ کے پروفیسر عبد الکافی کے ساتھ بدسلوکی۔
سانترا کا الزام ہے کہ سنہ 2015 میں دوران طالب علمی ان کے ساتھ پروفیسر عبد الکافی نے تفریق کی تھی۔
جادو پور یونیورسی ٹیچر ایسوسی ایشن کے جنرل سیکریٹری پراتھ پریتم نے کہا کہ سانترا کے خلاف سخت کارروائی کی جائے۔وہ کافی دنوں پروفیسر عبدالکافی کو پریشان کررہے تھے۔اب جسمانی طور پرپروفیسر کے ساتھ بدسلوکی کی گئی ہے۔
وائس چانسلر پروفیسر سورنجن داس نے کہا کہ اس واقعے کے بعد یونیورسٹی نے پولس انتظامیہ کو مطلع کردیا تھا اورا ب پولس اس معاملے میں کارروائی کرے گی۔
راجیش سانترا ضلع ہگلی کے رہنے والے ہیں۔انہیں جادو پور پولس نے گرفتار کیا ہے۔