وزیراعظم نریندر مودی 27 جولائی کو ویڈیو کانفرنس کے ذریعے نوئیڈا، کولکاتا اور ممبئی میں انڈین کونسل آف میڈیکل ریسرچ(آئی سی ایم آر) کی تین نئی ہائی ٹروپپٹ لیبز کا افتتاح کریں گے۔ جس کے بعد سے ان لیبز کے ذریعے بڑے پیمانے پر کورونا کی جانچ کی جائے گی۔
بتایا جارہا ہے کہ ہائی ٹروپپٹ لیبز سے انسانی جسم میں بیکٹیریا کی موجودگی کا پتہ چلایا جاتا ہے۔
توقع ہے کہ اترپردیش کے وزیراعلی یوگی آدتیہ ناتھ، مغربی بنگال کی وزیراعلی ممتا بنرجی اور مہاراشٹرا کے وزیراعلی ادھو ٹھاکرے اس آن لائن پروگرام میں حصہ لیں گے۔
دنیا بھر میں میڈیکل ریسرچ باڈیز میں سے ایک انڈین کونسل آف میڈیکل ریسرچ (آئی سی ایم آر) ملک میں بایومیڈیکل ریسرچ کو مربوط اور فروغ دینے میں مدد کرتا ہے۔
انڈین کونسل آف میڈیکل ریسرچ (آئی سی ایم آر) کے ذرائع کے مطابق فی الحال یہ روزانہ کی بنیاد پر ملک بھر میں کورونا ٹیسٹزمیں مدد فراہم کررہا ہے۔ اس نے 23 جولائی تک 1،54،28،170 نمونوں کی جانچ کی ہے اور اس نے جمعہ کو 3،52،801 نمونوں کا تجربہ کیا ہے۔
مرکزی وزارت صحت و خاندانی بہبود کے مطابق ملک بھر میں کورونا وائرس (کووڈ-19) کے 12،87،945 تصدیق شدہ معاملات ہیں۔
وزارت صحت کے مطابق ان میں سے 8،17،209 افراد صحت یاب ہوچکے ہیں، جبکہ 30،601 کورونا وائرس کی وجہ سے اپنی زندگی سے ہاتھ دھو بیٹھے ہیں۔