ریا ست ہائے متحدہ امریکہ کے ہاسٹن میں ہاؤڈی مودی تقریب کے دوران وزیراعظم نریندر مودی کے ذریعہ'اب کی بار ٹرمپ سرکار 'کہے جانے پر کانگریس پارٹی نے شدید نکتہ چینی کی ہے۔
کانگریس رکن پارلیمان اور قومی ترجمان پی ایل پنیا نے وزیر اعظم کے اس بیان کی مذمت کی ہے، اور اسے فارین پالیسی کی خلاف ورزی قرار دیا ہے۔
بارہ بنکی میں ای ٹی وی بھارت سے خاص ملاقات میں پی ایل پنیا نے کہا کہ 'وزیراعظم کا یہ بیان کتنا مناسب ہے کتنا نہیں یہ ماہرین ہی طئے کریں گے، لیکن اس بیان کے برے نتائج سامنے آئیں گے'۔
پنیا نے کہا کہ 'کسی ملک کے اندرونی معاملات میں دخل دینا مناسب نہیں ہے، لیکن وزیراعظم نے یہ کیا ہے یہ افسوسناک ہے، پنیا نے وزیراعظم کو نصیحت دیتے ہوئے کہا کہ وہ جہاں بھی جاتے ہیں بطور بھارت کے وزیراعظم ہوتے ہیں، اسلئے انہیں اپنے وقار کا خیال رکھنا چاہئے، اور کسی ملک کے اندرونی مسائل میں دخل نہیں دینا چاہئے'۔
