مرکزی وزارت تجارت و صنعت نے پیر کو یہاں بتایا کہ اس ورچول ایوارڈ تقریب میں وزیر مملکت برائے تجارت و صنعت بھی شریک ہوں گے۔
محکمہ انڈسٹری پروموشن اینڈ انٹرنل ٹریڈ نے عمدہ اسٹارٹ اپ کو اور کاروبار سے دوستانہ ماحول پیدا کرنے والوں کی شناخت کرکے اور ان کو انعام دینے کے لئے نیشنل اسٹارٹ اپ ایوارڈز قائم کیا ہے۔
ان ایوارڈز کے پہلے ایڈیشن کے لئے 12 شعبوں سے درخواستیں طلب کی گئیں۔ انہیں کل 35 زمروں میں ذیلی درجہ بندی کی گئی ہے۔ یہ شعبے زراعت، تعلیم، انٹرپرائز ٹکنالوجی، توانائی، خزانہ، خوراک، صحت، صنعت، خلا، سیکیورٹی، سیاحت اور شہری خدمات ہیں۔
یہ بھی پڑھیں: سڑک کی خستہ حالی سے وسیع آبادی پریشان
ان کے علاوہ ان شعبوں سے اسٹارٹ اپ کا بھی انتخاب کیا جانا ہے جو دیہی علاقوں میں کام کررہے ہیں، خواتین کی سربراہی میں ہیں اور تعلیمی کیمپس میں واقع ہیں۔ جیتنے والی اسٹارٹ اپ کو پانچ لاکھ روپے نقد انعام دیا جائے گا۔