پَتر پَکش میلہ کے انتظامیہ کی جانب سے تیاریاں مکمل

ریاست بہار کے ضلع گیا میں ہر برس آباو اجداد کے روح کی تسکین کے لیے ایک میلے کا انعقاد ہوتا ہے، جسے 'پُتر پَکش میلہ' کہا جاتا ہے۔

اس کے لیے انتظامیہ کی جانب سے ساری تیاریاں مکمل ہوچکی ہیں تاکہ عقیدت مندوں کو کسی بھی قسم کی کوئی پریشانی لاحق نہ ہو۔

آج شام ریاستی درجہ کاحق حاصل پترپکش میلے کاباضابطہ افتتاح ہوگا ، ریاست بہار حکومت کے نائب وزیراعلی ششیل مودی شام پانچ بجے اسکا افتتاح کرینگے ،
انتظامیہ کی جانب سے تمام تیاریاں مکمل کرلی گئی ہیں۔

آنے والے عقیدت مندوں کی سہولت کے لئے کئی خصوصی انتظامات انتظامیہ کی جانب سے کئے گئے ہیں۔

ڈسٹرک مجسٹریٹ ابھشیک کمار سنگھ اور ایس ایس پی راجیومشرا نے جمعرات کی دوپہر کومشترکہ پریس کانفرنس کرکے تیاریوں کی تفصیل بتائی ہے۔

ڈسٹرک مجسٹریٹ نے بتایا کہ 26 مقامات پر انکے قیام کے لئے مفت انتظامات کئے گئے ہیں۔

پتر پکش میلے میں آنے والے معذور اور بزرگوں کے لئے پچاس ای رکشاکی مفت سہولت دستیاب کرائی گئی ہیں۔

چوبیس گھنٹے کنٹرول روم کی خدمات بحال رہیں گی ۔ہماری کوشش ہوگی کہ بہتر سے بہتر سہولت دستیاب کرائی جائیں۔

ایس ایس پی راجیو مشرا نے بتایا کہ سیکوریٹی کولیکر پورے میلے کو اکتالیس زون میں تقسیم کرکے 187 سیکٹر بنائے گئے ہیں ۔

جس میں 430 مجسٹریٹ ، 416 پولیس افسران اور قریب پچیس پولیس جوانوں کی تعیناتی کی گئی ہے .اس ے علاوہ 72 مقامات پر پولیس کیمپ لگائے گئے ہیں۔

کئی مقامات واچ ٹاور بنائے گئے ہیں جس سے پولیس جوان نگرانی کررہے ہیں۔

پتر پکش میلے میں ملک وبیرون ملک سے سناتن مذہب کے پیروکار اپنے آباواجداد کی روح کی تسکین اور نجات کے لئے پنڈدان کرنے آتے ہیں۔بارہ ستمبر تا 28 ستمبر میلے کی کاروائی جاری رہیگی۔