پاپولر فرنٹ آف انڈیا کے دہلی صدر اور سکریٹری گرفتار

دہلی پولیس نے شاہین باغ میں جاری احتجاج میں فنڈنگ کے معاملے میں پاپولر فرنٹ آف انڈیا کے دہلی صدر محمد پرویز کو گرفتار اور سیکریٹری الیاس کو حراست میں لیا ہے۔

واضح رہے کہ پاپولر فرنٹ آف انڈیا پر الزام ہے کہ تنظیم نے شاہین باغ میں شہریت ترمیمی قانون کے خلاف احتجاج کے لیے کروڑوں کی فنڈنگ ہے۔ اور شیو وہار کے رہنے والے الیاس کے خلاف دہلی فسادات میں ان کے رول پر جانچ کی جارہی ہے۔

تفصیلات کے مطابق دہلی پولیس کی خصوصی ٹیم نے پی ایف آئی سے وابستہ 40 افراد پر نگاہ بنائے رکھے ہوئے ہیں، اور اس سے قبل پولیس نے دانش نامی شخص کو دہلی فسادات میں فنڈنگ کرنے کے الزام میں گرفتار کیا تھا۔

پاپولر فرنٹ آف انڈیا کے دہلی صدر اور سکریٹری گرفتار

یہاں یہ بات بھی قابل غور ہے کہ دہلی اسمبلی انتخابات سے قبل انفورسمینٹ ڈائریکٹوریٹ (ای ڈی) نے الزام عائد کیا تھا کہ پی ایف آئی، کانگریس عام آدمی پارٹی سی اے اے کے خلاف احتجاج کے لیے فنڈنگ کررہے ہیں۔

اور اس کے بعد سے ہی پی ایف آئی کے درجنوں ذمہ داران کے خلاف مقدمات درج کیے گئے ہیں حالانکہ پی ایف آئی اپنے اوپر لگائے گئے تمام الزامات کی تردید کرتی آئی ہے۔