قومی دارالحکومت دہلی میں آج پٹرول اور ڈیزل کی قیمتوں میں اضافہ کے ساتھ بالترتیب 82 اور 72 روپے فی لیٹر فروخت ہو رہا ہے۔
واضح رہے کہ ڈیزل کی قیمت میں آج 26 سے 28 پیسے کا اضافہ ہوا ہے جبکہ پٹرول کی قیمت 21 پیسے سے 24 پیسے بڑھے ہیں۔
خیال رہے کہ 27 نومبر کو ملک کے چار بڑے میٹرو شہروں میں ڈیزل 22 سے 26 پیسے اور پٹرول 17 سے 19 پیسے فی لیٹر مہنگا ہوا۔
پٹرول اور ڈیزل کی قیمتوں میں مسلسل پانچ دن تک اضافے کے بعد 25 نومبر کو دونوں ایندھن کی قیمتیں مستحکم رہیں۔
دہلی میں پٹرول 82.13 روپے جبکہ ڈیزل 72.13 روپے، ممبئی میں پٹرول 88.81 روپے اور ڈیزل 78.66 روپے، کولکاتا میں پٹرول 83.67 روپے اور ڈیزل 75.70 روپے اور چنئی میں پٹرول 85.12 روپے فی لیٹرجبکہ ڈیزل 77.56 روپے فی لیٹر فروخت ہورہا ہے۔