گھریلو زائرین کو عمرہ کرنے کی اجازت

سعودی عرب کے وزارت حج وعمرہ نے منگل کو اعلان کیا کہ' وہ دوسرے مرحلے میں دھیرے دھیرے 2 لاکھ 50 ہزار گھریلو زائرین کو عمرہ کرنے کی اجازت دے گی۔

گلف نیوز کے مطابق 18 اکتوبر کو عمرہ کا دوسرا مرحلہ شروع ہوگا، جبکہ تیسرے مرحلے میں غیرملکی زائرین کو یکم نومبر سے سفر کرنے کی اجازت دی ہے۔ انہوں نے مزید بتایا کہ بیرون ممالک سے آنےوالے زائرین کے کوٹے کا بھی بعد میں اعلان کیا جائے گا۔

انہوں نے ایک بیان میں بتایا کہ، جو زائرین عمرہ کرنا چاہتے ہیں انہیں پرمٹ حاصل کرنے کے لئے 'اعتمرناایپ، کے ذریعہ سے اپنے کو رجسٹرد کرنا ہوگا۔ بیرون ممالک سے آنے والے زائرین کو یکم نومبر سے عمرہ کرنے کی اجازت دی جائے گی'۔

حج اور عمرہ کے لئے 'نیشنل کمیٹی' کے رکن ہانی العمری نے بتایا کہ' زائرین کو مدینہ میں مسجد نبوی میں بھی جانے کی اجازت دی جائے گی۔'