سرینگر میں عزاداروں پر پیلٹ گن فائرنگ، متعدد زخمی

جموں و کشمیر کے سرینگر کے بمنہ علاقے میں ہفتے کو پولیس اور سی آر پی ایف نے عزاداری جلوس پر آنسوگیس اور پلیٹ گن فائرنگ کی جس کے نتیجے میں کئی عزادار زخمی ہوگئے۔

مقامی لوگوں کے مطابق عزاداروں نے بمنہ کی خومینی چوک میں جلوس نکالا۔ تاہم وہاں تعینات پولیس اور نیم فوجی دستوں نے ان پر آنسوں گیس کے گولے داغے جبکہ پیلٹ چھرے کا بھی بے تحاشہ استعمال کیا گیا۔

اس دوران متعدد عزادار زخمی ہوگئے ہیں جن کو ہسپتال میں داخل کیا گیا ہے۔

مقامی لوگوں کا کہنا ہے کہ نوجوان عزاداروں کو آنکھوں اور جسم پر متعدد چھرے داغے گئے جس کے نتیجے میں وہ شدید زخمی ہوئے ہیں۔

وادی میں شیعہ انجمنوں، سیاسی جماعتوں نے عزاداروں پر تشدد کی شدید مذمت کی۔