پاٹیدار رہنما کا بی جے پی سے استعفیٰ

سنہ 2017 میں گجرات اسمبلی انتخابات کے دوران بی جے پی میں شامل ہونے والی ریشما پٹیل نے محض دیڑھ برس میں ہی امت شاہ و بی جے پی کے خلاف علم بغاوت بلند کردیا۔

گجرات میں پاٹیدار آندولن میں ہاردک پٹیل کا ساتھ نبھانے والی ریشما پٹیل نے بی جے پی سے استعفیٰ دے دیا ہے۔

ریشما پٹیل پارٹی پر الزام لگایا کہ بی جے پی ایک مارکیٹنگ پارٹی ہے اور محض کھوکھلے دعوے کرتی ہے۔

گذشتہ روز میڈیا نمائندوں سے بات کرتے ہوئے کہا کہ بی جے پی عوام کے تئیں اپنا کام بخوبی انجام نہیں دے پا رہی ہے۔

انہوں نے مزید کہا کہ بی جے پی اپنے کارکنان کو صرف مارکیٹنگ کے لیے استعمال کرتی ہے اور عوامی مفاد میں کوئی بھی کام انجام دینے سے قاصر ہے۔

ریشما پٹیل نے اپنا استعفیٰ نامہ بی جے پی کے ریاستی جیتو وگھانی کو سونپ دیا ہے۔

حالاںکہ ریشما پٹیل نے ابھی یہ نہیں بتایا کہ وہ کسی دوسری پارٹی میں شامل ہوں گی یا نہیں لیکن عام انتخابات میں وہ پوربندر پارلیمانی حلقہ سے بطور آزاد امیدوار انتخابات میں حصہ لیں گی۔

انہوں نے یہ بھی کہا کہ اگر کسی نیشنل سیاسی جماعت نے ان سے رابطہ کیا تو وہ اس معاملے پر غور کریں گی۔

ریشما پٹیل نے حزب اختلاف پاٹیوں سے اپیل کی ہے کہ وہ ایک پلیٹ فارم پر آئیں۔