وندے بھارت مشن کے تحت ڈیڑھ لاکھ بھارتی واپس آئے

وندے بھارت مشن کی پروازوں سے ڈیڑھ لاکھ سے زیادہ افراد لوٹ چکے ہیں اور 55 ہزار سے زیادہ افراد ملک سے باہر گئے ہیں۔

کووڈ 19 کے باعث بیرون ملک میں پھنسے ہوئے بھارتی کو واپس لانے کے لئے وندے بھارت مشن شروع کیا گیا ہے۔ اس مشن کے تحت ڈیڑھ لاکھ سے زیادہ بھارتی شہریوں کو واپس لایا جا چکا ہے۔

شہری ہوا بازی کے وزیر ہردیپ سنگھ پوری نے ایک ٹوئٹ میں یہ جانکاری دی۔

وزیر ہردیپ سنگھ پوری نے ٹوئٹ میں لکھا کہ 'وندے بھارت مشن کی پروازوں سے ڈیڑھ لاکھ سے زیادہ افراد لوٹ چکے ہیں اور 55 ہزار سے زیادہ افراد ملک سے باہر گئے ہیں۔'

انہوں نے کہا کہ 'اتوار کے روز 4،784 افراد اس مشن کے تحت بھارت واپس آئے۔

اس مشن کے ذریعہ 'بھارتی سفارتخانوں کی مدد سے بیرون ملک میں مقیم بھارتی شہریوں کو خصوصی پروازوں سے لایا جارہا ہے۔'

وندے بھارت مشن کا چوتھا مرحلہ بھی اسی ہفتہ شروع ہونا ہے۔

پوری نے کہا کہ 'چوتھے مرحلے کے بعد بیرون ملک سے آنے والے بھارتی کی تعداد میں تیزی سے اضافہ ہوگا۔'