سی اے اے کے خلاف حزب اختلاف کا پارلیمنٹ کے احاطے میں احتجاج

شہریت ترمیمی قانون، این آر سی اور این پی آر کے خلاف پارلیمنٹ کے احاطے میں حزب اختلاف کے رہنماؤں نے احتجاج کیا۔

سی اے اے، این آر سی اور این پی آر کے خلاف کانگریس سمیت دیگر حزب اختلاف کے رہنماؤں نے گاندھی جی کے مجسمے کے سامنے احتجاج کیا جس میں کانگریس کی عبوری صدر سونیا گاندھی بھی شامل ہیں۔

یہ رہنما اپنے ہاتھوں میں پلے کارڈ لے کر حکومت کے خلاف نعرے بازی کر رہے ہیں۔

واضح رہے کہ آج ایوان زیریں اور ایوان بالا کے مشترکہ اجلاس کا آج انعقاد ہوگا، جس سے صدر رام ناتھ کووند خطاب کریں گے۔ وہ پارلیمنٹ کے سینٹرل ہال میں گیارہ بجے خطاب کریں گے۔