اناو گینگ ریپ معاملے میں بی جے پی پر چہار جانب سے تنقید

دہلی خواتین کمیشن کی صدر سواتی مالیوال نے ای ٹی وی بھارت سے بات چیت کے دوران کہا کہ بی جے پی کا 'بیٹی پڑھاؤ، بیٹی بچاؤ' محض ایک نعرہ ہے۔

اناو گینگ ریپ متاثرہ معاملے پر مخالف جماعتوں نے بی جے پی حکومت پر چہار جانب سے تنقید کا سلسلہ شروع کر دیا ہے۔

کانگریس پارٹی کے سینئر رہنما پرمود تیواری نے اتر پردیش کی گورنر آنندی بین پٹیل سے ملاقات کے بعد صحافیوں سے بات چیت کے دوران کہا کہ اناو گینگ ریپ متاثرہ کے لیے بی جے پی نے کوئی اقدام نہیں کیا۔

ان کا کہنا ہے کہ ایک سوچی سمجھی سازش کے تحت ایکسیڈنٹ کروایا گیا ہے۔ اس کی تحقیقات کی جائے، تا کہ اصل مجرم کو سزا مل سکے۔

انہوں نے بتایا کہ کانگریس پارٹی متاثرہ لڑکی کے ساتھ اور اس کے لیے ہر ممکن کوشش کرے گی۔

اس کے علاوہ دہلی خواتین کمیشن کی صدر سواتی مالیوال نے ای ٹی وی بھارت سے بات چیت کے دوران کہا کہ بی جے پی کا 'بیٹی پڑھاؤ، بیٹی بچاؤ' محض ایک نعرہ ہے۔

انہوں نے کہا کہ ریپ متاثرہ لڑکی کے لیے ریاستی حکومت کی جانب سے کچھ نہیں کیا گیا۔ یہاں تک کہ ریاست کے وزیر اعلی یوگی آدتیہ ناتھ نے اب تک متاثرہ سے ملاقات بھی نہیں کی ہے۔

انہوں نے اس سلسلے میں سی بی آئی تحقیقات کا مطالبہ کیا۔

جہار جانب سے ہونے والے دباؤ کے بعد بی جے پی کے رکن اسمبلی اور ملزم کلدیپ سنگھ سینگر کو پارٹی سے نکال دیا گیا ہے۔