ہریانہ کے ضلع نوح میں ڈپٹی کمشنر پنکج کی ہدایات کے مطابق یہ مقابلے آٹھ مئی سے شروع ہوئے تھے، ان مقابلوں میں طلباء نے مختلف زمروں میں واٹس ایپ کے ذریعے اپنے ہنر کا مظاہرہ کیا۔
بچوں کے آن لائن مقابلے، ویڈیو ڈسٹرکٹ چائلڈ ویلفیئر افسر کملیش شاستری نے بتایا کہ 'کورونا وائرس کے دوران ملک بھر میں لاک ڈاؤن ہے، ایسے میں بچوں ذہنی طور پر پریشانی سے بچانے اور ان کے ہمہ جہت ترقی کے مقصد سے 'چائلڈ ویلفیئر کونسل' نے آن لائن مقابلے کا انعقاد کروایا جس کے مثبت نتائج دیکھنے کو ملے۔
اس مقابلے کے ہر زمرے میں طلبہ و طالبات نے شاندار کارکردگی پیش کی۔
انہوں نے بتایا کہ 'کونسل کی جانب سے نغمہ نگاری، رقص، مضمون نویسی، شاعری، کہانی، نقالی، بے کار چیزوں سے فنکارانہ کام، کاغذی دستکاری، اور فینسی ڈریس وغیرہ کے مقابلے ہوئے۔
اس میں بچوں نے سبق آموز ویڈیوز بنا کر کونسل کو بھیجے، جنہیں دیکھ کر محسوس ہوا کہ بچے اس میں کافی دلچسپی لے رہے ہیں۔
کونسل کی جانب سے تین زمرے بنائے گئے تھے، جس میں 3 برس سے 6 برس کی عمر کے بچوں کے لیے، 6 برس تا سے 10 برس کی عمر اور 11 برس سے 14 برس کی عمر تک کے بچوں کے لیے علاحدہ علاحہ زمرے تھے۔
سبھی زمروں میں طلباء نے دلچسپی کے ساتھ حصہ لیا اور اپنی اپنی مختلف ویڈیوز بنا کر کونسل کو بھیجی جس میں نمایاں کارکردگی کا مظاہرہ کرنے والے طلبہ و طالبات کو انعامات اور ریاستی سطح کے مقابلوں میں حصہ لینے کا موقع ملے گا
