مکان گرنے سے ایک بچے کی موت، دو زخمی

حادثے میں آٹھ سالہ بچے کی موقع پر ہی موت ہوگئی، جبکہ ایک خاتون سمیت دو افراد گھر کے ملبے تلے دب گئے، جنہیں نکال کر ہسپتال میں داخل کرایا گیا۔

چھتیس گڑھ کے ضلع جسپور میں تین دن سے مسلسل بارش ہونے کے سبب آج صبح ایک کسان کا مکان گرنے سے ایک بچہ فوت ہوگیا اور دو شدید زخمی ہوگئے۔

پولس سپرنٹنڈنٹ بالاجی راؤ نے بتایا کہ یہ حادثہ صبح کے وقت فرسا بہار تھانہ علاقہ کے تحت ڈومریہ گاؤں میں پیش آیا۔ حادثے میں، ایک آٹھ سالہ بچہ کی موقع پر ہی موت ہوگئی، جبکہ ایک خاتون سمیت دو افراد گھر کے ملبے تلے دب گئے، جنہیں نکال کر فرسا بہار پرائمری ہیلتھ سینٹرمیں داخل کرایا گیا۔

بالا جی راؤ نے کہا کہ لگاتار تین دن سے یہاں بارش کی وجہ سے عام زندگی متاثر ہوئی ہے۔انہوں نے کہا کہ پولس کو ضلع کے تمام تھانوں میں چوکنا رہنے کی ہدایت دی گئی ہے۔ مکان گرنے کے بعد متاثرہ کسان کے اہل خانہ کے لئے محفوظ جگہ پر رہنے کا انتظام کیا گیا ہے۔ اس معاملے میں، محکمہ ریونیو کے عملے نے معاوضے کا معاملہ بنا کر تفتیش شروع کردی ہے۔