پرانے زمانے میں لاٹھی گھمانا ایک اہم فن اور ہنر مانا جاتا تھا جو آج کے دور میں کہیں غائب سا ہوگیا ہے۔ اِس دور کی خواتین اس ہنر سے ناآشنا ہیں لیکن سوشل میڈیا پر ایک خاتون کا ویڈیو تیزی سے وائرل ہو رہا ہے جس میں معمر خاتون بڑی تیزی کے ساتھ لاٹھی گھما رہی ہیں.
ویڈیو وائرل ہونے کے بعد اسے کافی لائک اور شئیر کیا جا رہا ہے اور آپ دیکھ سکتے ہیں کہ کس پھُرتی کے ساتھ معمر خاتون لاٹھی گھما رہی ہیں۔
اس ویڈیو پر ہزاروں لائکس اور کمنٹس بھی کئے جا رہے ہیں کہ خواتین کو یہ فن ضرور سیکھنا چاہیے تاکہ وہ اپنی حفاظت خود کرسکیں۔
معمر خاتون کا ویڈیو جب مشہور اداکار سونو سود کی نظروں سے گزرا تو وہ بھی خاتون کی تعریف کئے بغیر خود کو روک نہیں سکے۔
سونو سود نے ٹویٹ کیا کہ 'کیا کوئی مجھے ان کا (معمر خاتون) کا نام و پتہ دے سکتا ہے؟ میں ان کے اشتراک سے ایک چھوٹا سا ٹریننگ اسکول کھولنا چاہتا ہوں جہاں یہ دوسری خواتین کو سیلف ڈیفنس (خود کی حفاظت) کی تکنیک سِکھا سکیں۔