ورلڈ کپ کی ٹیم میں کشمیری نوجوانوں کا انتخاب

رواں برس انگلینڈ میں 3 اگست سے کھیلے جانے والے معذوروں کے عالمی کپ کے لیے منتخب کی جانے والی ٹیم میں وادی کشمیر کے دو نوجوان بھی شامل ہیں۔

معذوروں کے کرکٹ ورلڈ کپ میں وسیم اقبال خان اور عامر راتھر بھارت کی نمائندگی کریں گے۔
وسیم احمد کو دائیں ہاتھ کے بلے باز کے طور پر منتخب کیا گیا ہے جبکہ عامر راتھر بائیں ہاتھ کے گیند باز کے طور پر اپنا ہنر دیکھا ئیں گے۔

سوپور کے تارزوہ میں ایک غریب گھرانے سے تعلق رکھنے والے عامر راتھر کو بچپن سے ہی کرکٹ کھیلنے کا شوق تھا۔
بارہویں جماعت کے طالب علم راتھر نے جسمانی معذوری کو اپنے شوق کی راہ میں آڑے نہیں آنے دیا اور بھارتی ٹیم میں جگہ بنانے میں کامیاب ہوئے۔

عامر اپنی اس کامیابی کا سہرا اپنے والدین اور کوچ عرفان پٹھان کے سر باندھتے ہیں۔

بھارتی ٹیم میں سلیکشن ہونے پر ان کے اہل خانہ اور دوست و احباب کافی خوش ہیں۔

عامر کے والد کا کہنا ہے کہ معذوروں کے عالمی کپ میں ان کے فرزند کا ایک کھلاڑی طور پر شامل ہونا، ان کے لیے فخر کی بات ہے۔

جسمانی طور پر معذوروں کی کرکٹ تنظیم آل انڈیا کرکٹ ایسوسیایشن نے 16 رُکنی ٹیم کا اعلان کیا ہے۔