محض دو دن میں سیکھا فائر رقص

بالی وڈ اداکارہ نورا فتحی نے فلم بٹلا ہاؤس کے او ساقی گانے میں آگ والا رقص کیا ہے جس کی دھوم مچی ہوئی ہے۔

کئی بالی وڈ فلموں میں اپنے رقص کے جلوے بکھیر چکی نورا فتحی آج کل اپنے نئے گانے کے رقص کو لیکر سرخیوں میں ہیں۔

اداکار جان ابراہم کی آنے والی فلم بٹلا ہاؤس کے ایک آئٹم نمبر میں نورا فتحی نے فائر رقص کیا ہے۔

نورا کو رقص کے فن کے لئے پورے ملک میں جانا جاتا ہے۔ اس فائر رقص کے لئے انہوں نے کافی محنت کی ہے۔ جس کا ذکر انہوں نے اپنے انسٹاگرام پر ایک پریکٹس ویڈیو کے ساتھ کیا۔

انہوں نے لکھا کہ یہ ویڈیو او ساقی گانے کے شوٹ سے ایک دن قبل کیا ہے۔ میرے پاس رقص سیکھنے کے لئے محض دو دن تھے۔

فائر رقص سیکھنے سے قبل میں بہت نروس تھی۔ جو کہ میرے چہرے پر صاف جھلک رہا ہے۔

لیکن کم وقت میں میں نے اس نئی تکنیک کو سیکھا۔ میں اپنی ٹیم کی شکر گزار ہوں جنہوں نے مجھے یہ موقع دیا۔